Ban dro ïa ka Subject bad ka Verb
Ka jingbatai lyngkot
Ha ka nuksa "Ki khynnah ki ïarisa", ngi lah ban ithuh ba ka subject ka dei "Ki khynnah" bad ka verb ka dei "ïarisa". Ka subject ka dei ka mat ba ngi kren, bad ha kane ka kot ngi peit sha ki noun ne ki pronoun kiba treikam kum ki subject. Ka verb pat ka pyni bad batai aiu ba ka subject ka leh ne ka long.
Ha ki senten, ngi shem ba ki noun kim lah ban ïeng marwei khlem ka jingdon ki pronominal marker (ki ktien ba wan shuwa ki noun) kum ka, u, i, bad ki. Kine ki proniminal marker ki wan ruh shuwa ki verb bad ki ïamynjur bad ki pronominal marker kiba wan shuwa ki noun ha ka gender (jinglong shynrang lane kynthei) bad number (singular ne plural). Ha ka nuksa haneng, ka ktien ki ka treikam kum u pronominal marker namarba ka wan shuwa ka noun khynnah bad shuwa ka verb ïarisa.
Aiñ jingdro: Ngi sdang ïa ki jingdro da ka subject bad ka verb halor u laiñ uba thiah bad la phiah ïa ka subject bad ka verb da u laiñ uba pynïeng. Ïa ki pronominal marker kiba lah ban wan hakhmat ki noun (kiba dei ki subject) lane hakhmat ki verb, la dro da u laiñ bapyrshing shuwa ki noun bad ki verb. (Phi lah ruh ban sngap da ka video harum.)
Ïa ka jingbatai bniah bad ki jubab ïa ki jingpyrshang, lah ban phai sha ka lynnong banyngkong jong ka Grammar Khasi: Da ka jingdro.
ka nuksa
Ka jingdro ïa ka nuksa "Ki khynnah ki ïarisa"
Ka jingdro ïa ka nuksa "Ki khynnah ki ïarisa"
Ka jingdro ïa ka nuksa "Ki khynnah ki ïarisa"
ki jinpyrshang
Ka jingdro ïa ka nuksa "Ki khynnah ki ïarisa"
Ka jingdro ïa ka nuksa "Ki khynnah ki ïarisa"
Pyrshang dro ïa ki jingpyrshang harum:
- Ka Iba ka rkhie.
- Ka Meba ka la khreh.
- I bah i pynshna.
- U John u la wan?